جيهان

پەیوەندی تەلەفۆنیی بلینکن و گوایدۆ

- وەزیری دەرەوەی ئەمریکا، ئەنتۆنی بلینکن و سەرکردەی ئۆپۆزسیۆنی ڤێنیزوێلا، خوان گوایدۆ رەوشی مرۆیی ئەو وڵاتە و بابەتی کۆچبەرانیان کە تا دێت روو لە هەڵکشان دەکات، تاوتوێ کرد.

Hakan Çopur   | 03.03.2021
پەیوەندی تەلەفۆنیی بلینکن و گوایدۆ

Washington DC

واشنتۆن - AA

وەزیری دەرەوەی ئەمریکا، ئەنتۆنی بلینکن لەگەڵ سەرۆکی پێشووی ئەنجوومەنی نیشتمانیی ڤێنیزوێلا و سەرکردەی ئۆپۆزسیۆن، خوان گوایدۆ گفتوگۆیان کرد لەبارەی دوایین رەوشی ئەو وڵاتە.

گوتەبێژی وەزارەتی دەرەوەی ئەمریکا، نێد پرایس راگەیەندراوێکی سەبارەت بە پەیوەندی تەلەفۆنیی نێوان بلینکن و گوایدۆ بڵاوکردەوە.

بەپێی راگەیەندراوەکە، بلینکن و گوایدۆ کە ئەمریکا وەک ''سەرکۆماری ڤێنیزوێلا'' ناساندوویەتی رەوشی مرۆیی ئەو وڵاتە و بابەتی کۆچبەرانیان کە تا دێت روو لە هەڵکشان دەکات، تاوتوێ کرد.

لە راگەیەندراوەکەدا ئاماژە بەوە کراوە کە بلینکن باسی لە پشتیوانی بۆ گوایدۆ کردووە و هاتووە ''وەزیر بلینکن جەختی لەسەر گرنگیی سەرلەنوێ گەڕانەوەی دیموکراسیی کردووە بۆ ڤێنیزوێلا لە رێگەی هەڵبژاردنی ئازاد و دادپەروەرەوە''.

هەروەها لە راگەیەندراوەکەدا باس لەوە کراوە کە ئەمریکا لەگەڵ هاوبەشەکانی وەک یەکێتیی ئەورووپا و گرووپی لیما بەیەکەوە کاردەکەن لەبارەی چۆنیەتی گواستنەوەی ئاشتییانەی دەسەڵات لە ڤێنیزوێلا (بۆ حکوومەتەکەی گوایدۆ).

خوان گوایدۆ لە ٢٣ی کانوونی دووەمی ٢٠١٩دا، خۆی وەک سەرکۆماری کاتیی ڤێنیزوێلا راگەیاند و پشتیوانی زۆر وڵاتی ئەمریکای لاتین و خۆرئاوای بەدەستهێنا لەسەروو هەمووشیانەوە ئەمریکا.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın