قودس ــ AA

شاندێکی ئەمریکا، پلانەکەی دۆناڵد ترەمپ لەبارەی ڕۆژھەڵاتی ناوەڕاست ڕادەستی سەرۆکوەزیرانی ئیسرائیل، بنیامین ناتانیاھو کرد.

نووسینگەی سەرۆکوەزیرانی ئیسرائیل لە ڕاگەیاندراوێکدا ئاماژەی بەوەداوە کە بنیامین ناتانیاھو لە نووسینگەکەی خۆی لە قودسی ڕۆژئاوا، پێشوازی کردووە لە نوێنەری تایبەتی ئەمریکا بۆ کاروباری ڕۆژھەڵاتی ناوەڕاست، ستیڤ ویتکۆف و نێردەی تایبەتی ئەمریکا بۆ کاروباری ئابووری، ئارییە لایتستۆن و گەورە ڕاوێژکار لە کۆشکی سپی، جۆش گرینباوم و ژمارەیەک بەرپرس و ڕاوێژکاری دیکە لە کۆشکی سپی.

ڕاشیگەیاندووە کە لە دیدارەکەدا، شاندەکەی ئەمریکا، پلانەکەی دۆناڵد ترەمپ کە تایبەتە بە بەدیھێنانی ئاشتی و خۆشگوزەرانی لە ڕۆژھەڵاتی ناوەڕاست، ڕادەستی سەرۆکوەزیرانی ئیسرائیل، بنیامین ناتانیاھو کردووە.