سووریا ــ AA

وەزیری دەرەوەی سووریا، ئەسعەد شەیبانی داڕشتنی دیدێکی ھاوبەش کە مافەکانی ھاووڵاتییانی کورد لەو وڵاتە دەستەبەر بکات لەگەڵ شاندێکی ئەنجوومەنی نیشتمانی کورد لە سووریا (ENKS) تاوتوێ کرد.

وەزارەتی دەرەوەی سووریا لە ھەژماری خۆی لە تۆڕی کۆمەڵایەتی "ئێکس" ئاماژەی بەوەداوە کە ئەسعەد شەیبانی لە دیمەشق پێشوازی کردووە لە شاندێکی ئەنجوومەنی نیشتمانی کورد لە سووریا (ENKS) بە سەرۆکایەتی محەمەد ئیسماعیل.

ڕاشیگەیاندووە کە لە کۆبوونەوەکەدا، جەختکراوەتە لەسەر یەکپارچەیی خاکی سووریا.

باسی لەوەش کردووە کە ھەر لە کۆبوونەوەکەدا، ئەسعەد شەیبانی جەختی کردووەتەوە لەسەر مافەکانی ھاووڵاتییانی کورد لە سووریا، ئەوەش لەسەر بنەمای ھاووڵاتیبوون کە ناسنامەی کولتووری و کۆمەڵایەتی ھاووڵاتییانی کورد لە نێو سوریایەکی یەکگرتوودا دەپارێزێت.

ئەوەشی خستووەتەڕوو کە لەبەرامبەردا، شاندەکەی ENKS، خۆشحاڵی خۆی لە مەرسوومە سەرۆکایەتییەکەی ژمارە "١٣" ڕاگەیاندووە و ئاماژەی بەوەداوە، مەرسوومەکە، ھەنگاوێکی گرنگە کە بەھۆیەوە کوردەکانی سوریا دەتوانن مافەکانی خۆیان بەدەستبھێنن.