ئەنقەرە - AA

وەزیری بەرگریی ئیسرائیل، یسرائیل کاتز ئاماژەی بەوە کرد ئێران لە ئیسرائیل هاووڵاتیانی مەدەنی کردووەتە ئامانج، لەبەر ئەوە لە کاتێکی نزیکدا دانیشتوانی تاران باجی ئەوە دەدەن.

لە پەیامێکیدا کە لە هەژماری خۆی لە تۆڕی کۆمەڵایەتیی بڵاویکردەوە، کاتز هەڕەشەی لە دانیشتوانی تاران کرد.

کاتز، عەلی خامنەیی ڕێبەری ئێرانی کردە ئامانج و، بانگەشەی ئەوەی کرد کە حکوومەتی تاران لە وەڵامی هێرشەکاندا هاووڵاتیانی مەدەنی کردووەتە ئامانج.

وەزیری بەرگریی ئیسرائیل کاتز، هەڕەشەی لە ئێرانییەکان کرد و، ڕایگەیاند: "دانیشتوانی تاران باجی ئەمە دەدەن، هەمیش لە کاتێکی نزیکدا".