جيهان

نەیمار دا سێلڤا پیرۆزبایی رۆژی لەدایکبوون لە مەسرور بارزانی دەکات

- ئەستێرەی تۆپی پێی بەڕازیلی و یانەی پاریس سان جێرمانی فەڕەنسی، نەیمار دا سیلڤا: ''سڵاو مەسرور بارزانی، رۆژی لە دایکبوونت پیرۆز بێت و ھیوادارم رۆژێکی خۆشت ھەبێت. خودا بتپارێزێت''.

Heman Hussein Yaseen   | 02.03.2021
نەیمار دا سێلڤا پیرۆزبایی رۆژی لەدایکبوون لە مەسرور بارزانی دەکات

Arbil

هه‌ولێر - AA

ئەستێرەی تۆپی پێی بەڕازیلی و یانەی پاریس سان جێرمانی فەڕەنسی، نەیمار دا سیلڤا بەبۆنەی رۆژی لە دایکبوونی سەرۆکی حکوومەتی ھەرێمی کوردستان، مەسرور بارزانی پەیامێکی ڤیدیۆیی بڵاوکردووەتەوە و تیایدا پیرۆزبایی رۆژی لەدایکبوونی مەسرور بارزانی دەکات.

نەیمار دا سیلڤا لە ڤیدیۆکەدا دەڵێت ''سڵاو مەسرور بارزانی، رۆژی لە دایکبوونت پیرۆز بێت و ھیوادارم رۆژێکی خۆشت ھەبێت. خودا بتپارێزێت''.

سەرۆکی حکوومەتی ھەرێمی کوردستان مەسرور بارزانی، لە دووی ئاداری ساڵی ١٩٦٩ لە گوندی دیلمان لە ناوچەی باڵەکایەتی لە دایکبووە و ئەمڕۆ لە تەمەنی ٥٢ ساڵییدایە.

مەسرور بارزانی لە کۆنگرەی ١٣ی پارتی دیموکراتی کوردستان کە لە ساڵی ٢٠١٠ بەڕێوەچوو، زۆرترین دەنگی بەشداربووانی کۆنگرەی بەدەستھێنا و بە ئەندامی مەکتەبی سیاسیی پارتی دیموکراتی کوردستان ھەڵبژێردرا.

مەسرور بارزانی خێزاندارە و خاوەن سێ کوڕ و کچێکە بەناوەکانی، یاسەمین، ئارین، بەرزین و ئاران.

نەیمار دا سلێڤا لە ماوەی ٢٠١٣ تا ناوەڕاستی ٢٠١٧ بۆ یانەی بارسێلۆنای ئیسپانی یاریی کرد و توانی ١٠٥ گۆڵ بۆ یانەکە تۆماربکات و ١٠ نازناو بەدەست بھێنێت و لە ساڵی ٢٠١٧وە تا ئێستا لە یانەی پاریس سان جێرمانی فەڕەنسی بەردەوامە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın