لە هۆڵەندا بۆ پشتیوانی لە فەڵەستین ڕێپێوانێک ڕێکخرا
لە خۆپیشاندانەکانی پشتیوانی لە فەڵەستین لە هۆڵەندا، سێ کەس دەستگیر کران.
Netherlands
ئەمستردام - AA
نزیک بە ١٥ هەزار کەس بەشدارییان لەو خۆپیشاندانانەدا کرد کە بۆ پشتیوانی کە فەڵەستین لە گۆڕەپانی دام لە ئەمستردامی پایتەختی هۆڵەندا بەڕێوە چوو.
لە خۆپیشاندانەکەدا کە ئاڵاکانی فەڵەستین و تورکیا و وڵاتانی دیکە ئسیلامی بەرز کرابوویەوە، دروشمی "فەڵەستینی ئازاد" و "لە دەریاەوە تا ڕووبار فەڵەستینی ئازاد" بە زمانەکانی ئینگلیزی و عەرەبی گوترایەوە.
خۆپیشاندانە بەرفراوانەکە نزیک بە دوو کاتژمێر و نیوی خایاند.
کاتێک بەشێک لە خۆپیشاندەران ویستبوویان ئاراستەی خۆپیشاندانەکە بە شەقامێکی جیاوازدا بەرن، پۆلیسی ڕێگریی لێ کردن.
پۆلیسی هۆڵەندا لە بەیاننامەیەکدا کە لە هەژماری X بڵاویکردەوە، ڕایگەیاند کە، یەک کەسیان دەستگیر کردووە کە ئاڵای حەماسی بەرز کردووەتەوە و هاوکات دوو کەسیش کە ویستوویانە بەرەنگاری پۆلیس ببنەوە، دەستگیر کراون.
سەرۆکوەزیرانی کاتی هۆڵەندا مارک ڕۆتە پێشتر بە سەرۆکی شارەوانییەکانی ڕایگەیاندبوو کە دەستوەردان بکەن لە خۆپیشاندانەکانی لایەنگری حەماس.
