واشنتۆن ــ AA

ژمارەیەک بەرپرسی ئەمریکا ڕایانگەیاند کە وڵاتەکەیان دەستی كردووەتەوە بە ناردنی چەک بۆ ئۆکراینا.

ئەو بەرپرسانەی ئەمریکا کە نەیانویستووە ناویان ئاشکرا بکرێت بۆ ئاژانسی ھەواڵیی ئەسۆشیەییتد پرێس (AP) ئاشکرایان کردووە کە دوای ھەفتەیەک لە دەرکردنی فەرمانەکەی وەزارەتی بەرگری ئەمەریکا (پێنتاگۆن)، بۆ ڕاگرتنی ناردنی چەک بۆ ئۆکراینا، دووبارە ئەمریکا دەستی كردووەتەوە بە ناردنی چەک بۆ ئۆکراینا.

ئاماژەیان بەوەشداوە، ئەو چەکانەی کە لەلایەن ئەمریکا بۆ ئۆکراینا نێردراون، بریتین لە گولـلە تۆپی ١٥٥ ملم و مووشەک ھاوێژی ئاراستەکراو (GMLRS).

ئاژانسەكە بڵاوی کردووەتەوە کە لەو کاتەی جەنگی ڕووسیا-ئۆکراینا لە شوباتی ٢٠٢٢ دەستی پێ کردووە تا ئێستا، ئەمریکا بە بەھا ٦٦ ملیار دۆلار چەک و تەقەمەنی پێشکەش بە ئۆکراینا کردووە.