ئەنقەرە - AA

جێگری سەرکۆماری تورکیا، جەودەت یڵماز پێشوازی لە باڵیۆزی ئەمریکا لە ئەنقەرە و نوێنەری تایبەتی ئەو وڵاتە بۆ کاروباری سووریا، تۆم باراک و شاندی یاوەری کرد.

لە هەژماری خۆی لە تۆڕی کۆمەڵایەتی، یڵماز سەبارەت بە دیدارەکە ڕایگەیاند: "لە دیدارەکەماندا لەگەڵ باڵیۆزی ئەمریکا لە تورکیا، بەڕێز تۆم باراک کە لە کۆشکی سەرۆکایەتیی کۆمار ئەنجامماندا، تاوتوێی بەهێزکردنی زیاتری پەیوەندییە دووقۆڵییەکان و قووڵ کردنەوەی هاریکارییەکانمان لە بوارە بەرجەستەکاندا کرد و، بە شێوەیەکی بەرفراوان هەڵسەنگاندنمان بۆ گەشەپێدانی پەیوەندییە ئابووریی و بازرگانییەکان، بەتایبەت پیشەسازی بەرگریی و سزاکانی کاتسا کرد. هەروەها بیروڕامان ئاڵوگۆڕی کرد سەبارەت بە دوایین پێشهاتەکانی ئێران و سووریا و پرسە هەرێمیی و جیهانییەکان لە چوارچێوەی قۆناغی دووەمی پلانی ئاشتیی غەززە. سوپاسی بەڕێز باراک دەکەم بۆ بەشدارییە بنیاتنەرەکانی و ئیرادەی بۆ بەهێزکردنی هاریکاریی نێوان وڵاتەکانمان".