توركيا, کۆڤید- ١٩

ئیستانبوڵ.. گیانلەدەستدانی دوو كه‌س به‌ مەی ساخته‌

- دوو كه‌س به‌هۆی خواردنه‌وه‌ی مەی ساخته‌ لە شاری ئیستانبوڵ گیانیان له‌ده‌ستدا و كه‌سێكیش گواسترایەوە نەخۆشخانە.

18.03.2020
ئیستانبوڵ.. گیانلەدەستدانی دوو كه‌س به‌ مەی ساخته‌

Istanbul

ئیستانبوڵ - AA

له‌ ناوچه‌ی زه‌یتینبورنو سەربە پارێزگای ئیستانبوڵ، دوو كه‌س به‌ هۆی خواردنه‌وه‌ی مەی ساخته‌ گیانیان له‌ده‌ستدا و كه‌سێكیش باری ته‌ندروستی تێكچووه‌ و گواستراوەتە نه‌خۆشخانه‌.

به‌پێی زانیاری ده‌ستكه‌وتوو، سێ كه‌سی به‌ ره‌گه‌ز توركمانستانی كه‌ له‌ ناوچه‌ی مه‌ركه‌زئه‌فه‌ندی نیشته‌جێبوون، دوای ئه‌وه‌ی له‌لایه‌ن هاوڕێیانیانه‌وه‌ په‌یوه‌ندیان پێوه‌كراوه‌ و وه‌ڵامیان نه‌بووه‌ پۆلیس له‌ ره‌وشه‌كه‌ ئاگاداركراوه‌ته‌وه‌.

دوای گه‌یشتنی تیمی پۆلیس بۆ شوێنه‌كه‌ و كردنه‌وه‌ی ده‌رگای ماڵه‌كه‌ و بینینی ره‌وشه‌كه‌ تیمی ته‌ندروستی ئاگاداركراوه‌ته‌وه‌.

تیمی ته‌ندروستی ده‌ستبه‌جێ گه‌یشته‌ شوێنه‌كه‌ و بۆیان ده‌ركه‌وت كه‌ دوو كه‌سیان گیانیان له‌ده‌ستداوه‌ و كه‌سێكی دیكه‌شیان گواسته‌وه‌ بۆ نه‌خۆشخانه‌ كه‌ باری ته‌ندروستی ناجێگیره‌.

تیمه‌كانی پۆلیس له‌ ماڵه‌كه‌دا لێكۆڵینه‌وه‌یان كرد و بۆیان ده‌ركه‌وت كه‌ ئه‌و كه‌سانه‌ مەی ساخته‌یان خواردووه‌ته‌وه‌.

هاوكات دوو كه‌سی به‌ڕه‌گه‌ز توركمانستانیان ده‌ستگیركرد كه‌ خواردنه‌وه‌كه‌یان ده‌سته‌به‌ركردبوو.

پێده‌چێت ئه‌و سێ كه‌سه‌ به‌مه‌به‌ستی خۆ پاراستن له‌ په‌تای ڤایرۆسی كۆرۆنای نوێ (Covid-19) مەی-یان خواردبێته‌وه‌.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın