Serokomarê Tirkiyeyê Recep Tayyîp Erdogan ji ber vexwendina Serokomarê Ozbekistanê Şewket Mîrziyoyev ji bona ziyaretên di 29-30yê Adarê da çû Ozbekistanê.
Erdogan piştî ku li Ofîsa Dolmabahçeyê ya Serokomariyê xitabî heyetên muzakereyê yên Rûsya û Ukraynayê kir çû Balafirgeha Ataturkê.
Serokomar Erdogan ji hêla Alîkarê Serokomar Fuat Oktay, Alîkarê Waliyê Stenbolê Mehmet Alî Ozyîgît û Serokê Şaxa Stenbolê ya AK Partiyê Osman Nurî Kabaktepe va hat oxirkirin.
Erdogan bi balafira "TRKyê di saet 10.45an da ber bi Taşkentê va bi rê ket.
Ji xeynî Emîne Erdogana xanima wî Wezîrê Edaletê Bekir Bozdag, Wezîrê Parastina Neteweyî Hulusî Akar, Wezîrê Xebat û Ewlehiya Civakî Vedat Bilgîn, Wezîrê Tenduristiyê Fahrettîn Koca, Wezîrê Ticaretê Mehmet Muş û Serokê Ragihandinê yê Serokomariyê Fahrettîn Altun jî bi Erdogan ra çûn.
Serokomar Erdogan di serdanê da wê beşdarî Civîna 2yemîn ya Konseya Hevkariya Stratejîk ya Payebilind ya Tirkiye û Ozbekistanê jî bibe.
