PARİS
Wezîrê Karên Derve Ahmet Davutoglu li Parîsê bi Wezîrên Karên Derve yê Amerîka, Ingilîstan, Qatar û Erebistana Siûdî re hevdîtin kir. Davutoglu piştî hevdîtinan jî bersiva pirsên endamên çapemeniyê da.
Davutoglu diyar kir ku xebera êxistina helîkopterê di dema hevtîna ku bi Wezîrên Ingilîstan û Fransayê re dikir de hat û wiha dewam kir: "Min der barê mijarê de agahî da muxatabên xwe yên li Parîsê. 5 mîl dûrî sînorê me yê Sûriyê helîkoptêr hatiye tespîtkirin. Bi tevî hemû hişyariyan ev helîkopter ketiye nav sînorê Tirkiyê. Ji ber ku sînor neterikandiye jî helîkopter hatiye êxistin."
Davutoglu destnîşan kir ku der barê mijarê de dê agahiyê bidin Sekreterê Giştî yê Neteweyên Yekbûyî, welatên endamên NATO û Konseya Ewlehiya Neteweyên Yekbûyî û wiha got: "Careke din dê tu kes newêribe sînorê Tirkiyê îxlal bike. Ji bo vê çi tewdîr lazim bin me girtiye."
Wezîr Davutoglu bal kişand ser nêrînên Wezîrên Karên Derve yên ku li Parîsê ne û diyar kir ku ji bo parastina sînorê Tirkiyê ew jî piştgiriyê didin.
