Serokê Partiya Yekîtiya Demokratîk a Sûriyeyê (PYD) Salih Muslîm got ku tevgera welatên rojava yên ku berê wan wekî "teror" bi nav dikir, piştî êrîşên DÎŞIyê yên ser Kobanê guherî.
Koma dost a kurd a nefermî li Parlementoya Ewropayê konferansa "Êrîşên DÎŞIyê yên ser Kobanê û li ser Herêmê Bandora Êrîşan" li dar xist. Muslîm beşdarî konferansê bû û li vir axivî: "Êdî me wekî rêxistina terorê nanirxînin, li hay bûn ku em hemû nirxên Ewropayê diparêzin."
Muslîm got: "Piştî êrîşên DÎŞIyê yên ser Kobanê tevgera wan guherî. Wan em guhdar kirin. Em bi amerîkayî û îngilîzan re li ser masê rûniştin û axivîn."
Muslîm destnîşan kir ku welatên rojavayî polîtîkaya xwe guherand, lê ev guherandin têrê nake û divê ew me rasterast wekî muxatab qebûl bikin, daxwaza me ew e.
Salih Muslîm teleb kir ku çekên giran bidin wan û ew van çekan di şerê li hemberî DÎŞIyê dikin de, bikar bînin.
