Li zozanên li Agiriyê mêr pêz didoşin

Koçerên Bedlîsî yên hatine zozanên li Agiriyê di nav şert û mercên dijwar da pezên xwe diçêrînin û didoşin.

Li zozanên li Agiriyê havînê gelek koçerên ji deverên curbecur tên lê diêwirin.

Koçerên ji Tetwana navçeya Bedlîsê hatine Agiriyê bi şev û bi roj bi pezên xwe ra eleqedar dibin.

Mêrên hatine zozanan bi alîkariya zarokan şeveqê û êvarê 2 caran pêz didoşin. Jin jî şîrê tê dotin li ser kuçikan di sitîlan da dikelînin ji bo zivistanê penêr çêdikin û yan jî rûnê malê jê hildidin.

Ji koçeran Adnan Ok daxuyanî da nûçegihanê AAyê û diyar kir ku şeveqê û êvarê li zozanan bi sedan mihî didoşin û got ku di pey ra jî piştî bêriyê şivan pêz dibin diçêrînin.

Ji şivanan Mehmet Reşît Turk destnîşan kir him pêz diçêrîne û him jî di dotina pêz da alîkariya malbara xwe dike.