Ekîbên paqijkirina berfê yên Şaredariya Bajarê Mezin a Wanê, ji bo vekirina rêya 12 cih û warên ku berfa pêr girtibû, xebatên xwe didomînin.

Li gor daxuyaniya ku ji Şaredariya Bajarê Mezin hat dayîn, ekîbên berfê yên Serokatiya Daîreya Çêkirin, Temîrkirin û Kontrola Rêyan ji bo vekirina rêyên herêmên gundewar ku berfê girtin, xebat da destpêkirin.

Li tevahiya bajêr berfê rêya 90 cih û waran girt û ekîban rêya 78 cih û waran vekir û ji bo vekirina rêya 12 tax û mezreyan jî xebatan didomînin.

Ekîban li navçeya Gevaşê rêya taxên ser Daldere û Înkoyê paqij kirin û li hin deveran jî xebatên firehkirina rêyan didomin.