Li Wan, Bidlîs û Mûşê ji ber ketina berfê di çûyîn û hatinê da tengasî derket.

Li gor daxuyaniya ku ji Şaredariya Bajarê Mezin a Wanê hat dayîn, berfê li navçeyên Başkala, Bahçesaray (Miks), Çatak, Edremît, Îpekyolu, Gevaşê rêya 90 cî û waran girt.

Di kordîneya Daîreya Çêkirin û Temîrkirina Rê, Daîreya Karên Fenê û Daîreya Parq û Baxçeyan da bi 240 wesayît û 600 personelî va xebatên vekirina rêyan dest pê kirin.

Ekîban peyarê û kuçe paqij kirin, ji bo vekirina rêyan xebatan didomînin.

Ekîbên Midûriya Herêma 11emîn a Rêbejan jî li ser rêya Wan û Hekariyê berfa Dirba Kurubaşê avêtin û paqijî kirin.

Li navçeya Edremîtê ku qalindahiya berfê ji 20 santêmî derbas bû jî xaniyên yek qatî, wesayît û dar û ber di binê berfê da man.

Welatî dema hişyar bûn, dîtin ku berf ketiye û berfa pêşiya kargehên xwe û ser wesayîtên xwe avêtin.

Li navçeya Erdîşê piştî ketina berfê dar û ber û qeraxê Gola Wanê spî bûn, li navçeya Miksê jî rêncberan dirûnge danî ser berfê û alif dan heywanên xwe.

- Bidlîs û Mûş

Navenda bajarê Bidlîsê û li navçeya wê ya Hîzanê piştî sermayê berf ket.

Bi ketina berfê ra niştewar û deverên bilind spî bûn.

Ji bo ku di çûyîn û hatinê da tengasî çênebe, ekîbên şaredarî û rêbejan hatin amadekirin.

Li Milazgira navçeya Mûşê jî welatî dema hişyar bûn, dît ku berf ketiye.

Ekîbên şaredariyê li navçeyê peyarê û kuçe paqij kirin û berf hê dibare.