Li rojhilatê berf dibare, mij û dûman e

Li Erzirom, Erdexan, Qers û Tunceliyê sir û seqem çêbû.

Li Erziromê germa hewayê li gor demsalê zêdetir sar e, barana gur dibare, mij û dûman çêdibe.

Li Navenda Xweşiqitandinê ya Palandokenê qalindahiya berfê 18 santêm, li Navenda Xweşiqitandinê ya Konakliyê jî 10 santêm hat pîvan.

- Qers

Li Qersê ji ber mij û dûmanê mesafeya dîtinê heta 5 mêtroyan kêm bû.

Şofêran bi zehmetî wesayîtên xwe ajotin.

Polêsan ji cihên ku xwendekar zêde tên û diçin hişyarî dan şofêran da ku baldar bin.

Ekîbên şaredariyê qeşaya li ser rêyan paqij kirin.

Navçeya Sariqamîşê û otelên li Navenda Xweşiqitandinê ya Cibiltepeyê di nav mij û dûmanê da man.

- Erdexan

Li Erdexanê jî germahiya hewayê bi şev di binê sifirê da 5 pile hat pîvan.

Li bajêr ji ber sir û sermayê li ser rê û peyarêyan qeşa çêbû.

- Tuncelî

Li Tunceliyê jî barana ku şev dest pê kir li navçeyên Ovacix û Pulumurê cihê xwe ji berfê ra hîşt.

Li deverên bilind berf barî, qalindahiya berfê hin cihan gihîşt 20 santêman.

Ekîbên Şeftiya Şaxa 86emîn a Rêbejayê li ser rêya Ovacix-Xozatê û taxa Pulumur Cankurtaranê berf paqij kirin.