Abdullah Tel
2020 ж. 02 қаңтар•Rojanekirin: 2020 ж. 03 қаңтар
Li Erzirom, Qers, Agirî, Îdir û Erdexana bajarên herêma Rojhilatê Anadoluyê ji ber hewaya sar zehmetî zêde ne.
Li Erziromê paceyên mal û dikanan cemed girtin, ji bo ku qeşa negirin şofêran betanî û qarton li wesayîtên xwe werkirin, dor û bera kaniyan cemed girt.
Ekîbên şaredariyê ji ber berf, qeşa û cemedê bi ser rêyên bajêr da xwêy reşandin.
Ji bo heywanên wek se, pisîk û çûkan jî welatiyên dildar nan û xwarin danîn derva.
- Agirî
Li Agiriyê zivistana bi zor û zehmetî derbas dibe ji bo şofêran bi zehmetir e û ew di dema şixulandina wesayîtên xwe da zehmetiyê dikişînin.
Sureyya Elemê şofêrê TIRê ye ji bo ku bikaribe wesayîta xwe bide şixulandin li binê wesayîta xwe agir vêxist da ku cemed bihele û wesayît bi hêsanî bixebite.
Ji hêla din va jî welatiyên bi barbirin û anînê debara xwe dikin jî ji bo hespên wan necemidin ew bi betaniya nixumandin.
- Îdir
Li gundên deverên bilind ên Îdirê jî piştî barîna berfê hewaya sar bi tesîr e.
Germahiya hewayê ya li wir di bin sifirê da heta 10 pileyî dadikeve û welatiyên li gundan dijîn jî di sir û seqemê da ji bo têrkirina heywanên xwe dixebitin.
Ji Çiyayê Agiriyê yê ku bi berfê xemiliye û gundên ber palên çiyê dîmenên xweş xuya dikin.
- Erdexan
Li Erdexanê jî ji ber barîna berfê û hewaya sar jiyana rojane bi zehmetî dewam dike.
Berfa ku ber destê sibehê li bajêr bi tesîr bû navenda bajêr spî kir. Hin şofêr ji bo ku wesayîtên xwe ji cemedê biparêzin betanî lê wer kirin.
Ji şofêran Dursun Şeker got ku ew di rojên sar da her tim cilekê diavêje ser wesayîta xwe da ku cama wesayîtê cemed nagire.
- Qers
Li Sariqamişa navçeya Qersê jî qiravî ket ser dar û deviyan.
Germahiya hewayê ya li bajêr bi şev di bin sifirê da heta 13 pileyan daket û paceyên mal û dikanan ên li navçeyê cemed girtin.
Sifirnekên xaniyan û banên avahiyan şembelîk girtin û welatiyan ser wesayîtên xwe bi brandayan girt.
