Li Erzirom, Tuncelî, Agirî, Erdexan û Qersê berf dibare

Li Erzirom, Tuncelî, Agirî, Erdexan û Qersê bi barîna berfê ra navendên bajaran û navçe spîçîl bûn.

Li Erziromê duh êvarê barîna berfê dest pê kir û heya ber destê sibehê dewam kir. Navenda bajêr bi berfê spî bû.

- Tuncelî

Li navçeyên Tunceliyê Ovacix û Pulumurê jî sermaya ku ev qederek e didome, vegerand berfê.

Bi barîna berfê ra kuçe û kolan û her wiha parq û baxçe spî bûn.

- Agirî

Li Agiriya ku tesîra sir û seqemê berdewam e bi şev berf barî û kuçe kolan spîçîl bûn.

Esnaf berfa li pêşiya kargehên xwe avêt, ekîban jî xebata avêtina berfê da destpêkirin.

- Erdexan

Li Erdexanê jî sir û seqem û her wiha barîna berfê bi bandor e.

Ji ber berf û hişkiyê li ser rê û baniyan cemed çêbû.

- Qers

Li Qersê piştî barîna berfê ya duh dest pê kir û bi navber dewam kir, navenda bajêr spîçîl bû.

Keleha Qersê ya di bin berf û mijê da bi dronê hat kişandin.

Li Sariqamîşa navçeya Qersê jî nebat û darên di bin berfê da dîmenên sipehî derxistin holê.