Li Erzirom, Qers, Erdexan û Agiriyê berf dibare û hewa sar e.

Li Erziromê berfa ku di rojên dawîn da dem demî dibare, duh şev zêde kir.

Piştî berfê kuçe û kolan di bin berfê da man.

Ekîb berfê paqij dikin û xoyê direşînin.

Welatiyên ku serê sibê çûn kar, berfa li ser wesayîtên xwe paqij kirin.

Piştî berfê hewa sar bû û germahiya hewayê ya bi şev di binê sifirê da 10 pile hat pîvan.

Ji ber sermayê li ser banê xaniyan şembelûk çêbûn.

- Qers

Li Qersê berfa ku bi rojan e dem demî dibare îro jî dewam kir.

Li bajêr şofêr ji ber berfê li ser rêyan zehmetiyan dikişînin, ekîb xebatên paqijkirina berfê didomînin.

Li navçeya Sariqamîşê jî berf dibare û hewa sar e.

Li ser banên avahiyan şembelûk çêbûn.

Welatiyan wesayîtên xwe bi betaniya pêçan ku ji sermayê biparêzin û berfa li ber mal û kargehên xwe paqij kirin.

Çûkan zîl û zîlikên li ser şaxên daran xwarin ku zikê xwe têr bikin.

- Erdexan

Li Erdexanê berf dibare û hewa sar e.

Li bajêr ji ber sermayê li ser rê û peyarêyan qeşa çêbû.

Ji ber berfê bajar dîsa çîlspî bû.

- Agirî

Li Agiriyê jî berfê cihê xwe ji hewaya sar ra hîşt.

Ji ber hewaya sar li ser banên xaniyan şembelûk çêbûn.