Li Erzirom, Erdexan, Qers û Agiriyê sir û serma heye

Li Erzirom, Erdexan, Qers û Agiriyê sir û serma heye.

Li Erziromê 3 roj berê berf barî û bager rabû, paşê serma çêbû.

Li bajêr germa hewayê bi şev 9 pile di binê sifirê da hat pîvan û bi baniyên avahiyan va şembelîlk daliqîn.

Li Erziromê li ser peyarê û rêyan cemed çêbû, camên wesayîtan qeşa kişand. Hin welatiyan jî cilik avêtin ser camên wesayîtên xwe.

Şadirwan qerimîn, dar, kuçe û kolanan cemed girt. Ekîbên şaredariyê xoy reşandin û berf avêtin.

- Erdexan

Li Erdexanê sir û seqem heye.

Di sir û seqemê da cemed çêbû. Piraniya rûyê Çemê Kurayê cemed girt.

- Qers

Li Qersê piştî barîna berfê serma çêbû û camên wesayîtan qeşa kişandin. Hin welatiyan betanî avêtin ser wesayîtên xwe.

Li navçeya Sariqamîşê jî ji ber sir û sermayê daran qiravî girt.

- Agirî

Li Agiriyê jî serma heye.

Li bajêr qismekî robaran cemed girt, camên wesayîtan qeşa kişand.