Li Erzirom, Erdexan, Tuncelî û Qersê tesîra sir û serma heye.

Li Erziromê germa hewayê bi şev di binê sifirê da 6 pile hat pîvan.

Ji ber sermayê baniyên avahiyan şembelîk girt.

Li ser peyarê û rêyan cemed çêbû, ekîb rêyên ku berf û bagerê girtiye vedikin.

- Erdexan

Li Erdexanê jî hewa sar e, mij û dûman heye.

Li bajêr serê sibê mij û dûman çêbû.

Kesên serê sibê derketin derva ji ber qeşayê bi zehmetî çûn û hatin.

- Tuncelî

Li Tunceliyê ji ber hewaya sar li ser çiyayan mij û dûman çêbû.

Paceyên wesayîtan qeşa girt û li ser dar û beran qiravî çêbû.

- Qers

Li Qersê hewaya sar tesîreke nebaş li ser jiyanê dike.

Ji ber sermayê dar û beran qiravî girt, li ser paceyên wesayîtan qeşa çêbû.

Hin welatiyan xalîçe û betanî avêtin ser paceyên wesayîtên xwe.

Li navçeya Sariqamîşê germahiya hewayê di binê sifirê da dakete 7 pileyan.

Dar û beran qiravî girt, li baniyên avahiyan şembelîk çêbû.

Ekîb li ser rêyan xoy direşînin da ku qeşa çênebe.