"Hingivê Bidlîsê" bi işareta coxrafî hat tescilkirin

Hingivê ku li zozanên raqimbilind ên Bidlîsê tê girtin, ji hêla Saziya Patent û Marqeyê ya Tirk bi işareta coxrafî hat tescilkirin.

Der barê dayîna işareta coxrafî bo hingê Bidlîsê da civîn hat lidarxistin ku ji bo tescilkirinê, Odeya Bazirganî û Pîşesaziyê ya Bidlîsê (TSO) di 2023yan da serîlêdan kiribû.

Walî Ahmet Karakaya di civîna li TSOyê da axivî û diyar kir ku gava Bidlîs tê gotin, hingivê bajêr tê bîra mirov.

Di civînê da Ramazan Çolakê Midûrê Çandinî û Daristanê yê Bidlîsê jî pêşkêşiyek kir.

Davut Tezcanê Serokê TSOya Bidlîsê jî diyar kir ku wan ji bo wergirtina işareta coxrafî, di 2023yan da serî li Saziya Patent û Marqeyê ya Tirk da.

Tezcan di dawiya civînê da Belgeya Tescila Işareta Coxrafî teqdîmî Walî Karakaya kir.