Îdiaya ku Erebistana Siûdî wê alimên Îslamê îdam bike

Endamê Buroya Siyasî ya Hamasê Musa Ebû Merzuq îdia kir ku Erebistana Siûdî xwe amade dike ku di dawiya meha Remezanê da 3 melayên dîn ên navdar îdam bike.

Ebû Merzûq li ser hesabê xwe yê Twitterê daxuyanî da û daxuyaniya xwe siparte 2 rayedarên Siûdî. Ebû Merzûq got ku Erebistana Siûdî wê piştî Remezanê alimê Îslamê Selman el-Awde ku di sala 2017an da li Erebistana Siûdî hat girtin, Xetîb Awad el-Qarnî û pêşkêşvanê têlevîzyona dînî Elî el-Omerî îdam bike.

Malpera înternetê ya li Îngilistanê "Middle East Eye" duh îdia kiribû ku Avde, Qarnî û Omerî wê piştî Remezanê werin îdamkirin û nûçeya xwe spartibû du çavkaniyên hikûmetê û eqrebayê alimekî.