Rûsya: 658 milyon ton rezerva me ya elementa xaka nadir heye

Wezareta Çavkaniyên Siruştî ya Rûsyayê ragihand ku 658 milyon ton rezerva wan ya 29 elementên cuda yên xaka nadir heye.

Di daxuyaniya nivîskî ya Wezareta Çavkaniyên Siruştî ya Rûsyayê da der heqê rezervên welêt ên elementên xaka nadir da agahî hat dayîn.

Di daxuyaniyê da hat balkişandin ku elementên xaka nadir xwedan bingeheke tevlihev e û bi tenê digel cewherê derxistina wan mimkun e. Di daxuyaniyê da her wisa hat destnîşankirin ku rezervên heyî yên welêt ên di vî warî da têra pêdiviyên aboriya Rûsan dike.

Her wiha di daxuyaniyê da hat gotin ku 658 milyon ton rezerva wan ya 29 elementên cuda yên xaka nadir heye.

Serokê Dewleta Rûsyayê Vladimir Putîn di daxuyaniya xwe ya duh da diyar kiribû ku ew amade ne ku firsenda xebata pêkva ya di warê elementên xaka nadir da bidin Amerîkayê.