Li Iraqê propagandaya hilbijartinê dest pê kir

KERKÛK

Li Iraqê hilbijartinên giştî wê di 12 gulanê da bên kirin û bişev jî heyama propagandayê dest pê kir.

Li navenda bajarê Kerkûkê wêne û posterên namzedên parlementeriyê û endamên partiyên siyasî bi bîlboardan va hatin zeliqandin.

Namzeda parlementeriyê ya Eniya Tirkmenên Iraqê Melahat Kasapê daxuyanî da nûçegihanê AAyê û got: "Bi taybetî ji roja ku kontrola bajêr ket destê hikûmeta Bexdayê vir va bêhna Kerkûkiyan derket û ewê bi dengekî bilind beşdarî hilbijartinê bibin."

Kasapê bal kişand ser girîngiya nûnertiya jinan a di meclisê da û ragihand ku ew dixwazin di parlementoyê da hejmara nûnerên jin ên Tirkmen zêde be û wiha pê da çû: "Jin di meclisan da wezîfeyên xwe çêtir dikin."

Li Kerkûkê ji bo parlementoya Iraqê 13 parlemener tên hilbijartin û Tirkmen dixwazin ku nêvî ji wan bin.