Wezîrê Karên Derve yê YDEyê John Kerry got ku YDE û Rûsya, dixwazin konferansa navneteweyî ya Suriyeyê zûbizû were lidarxistin û li Suriyeyê xwînrijandin biqede. Ji bo ku Surîye, ji vê rewşê xelas bibe divê hikûmeteke derbasdar ava bibe. Kerry û Lavrov ji bo ku beşdarî Civînên Koma Neteweyan a Başûrê rojhilata Asyayê (ASEAN) bibin li Bruneî bûn û 90 daqîqeyî axivîn. Kerry, li ber Balyozxaneya YDEyê ya Bruneî daxuyanî da çapemeniyê.
Kerry, diyar kir ku her du dewlet jî dixwazin ku Konferansa Suriyeyê zûbizû were lidarxistin lê belê gotin ku em jî dizanin ev yek ne memkun e ku berî tebaxê pêk bê. Kerry got, em hemfikr in, heke YDE û Rûsya bi hev re bixebitin, ev dê ferqeke nû derxe holê. Kerry, got em li rêyekê digerin ku ew rê dewleta Suriyeyê rizgar bike bi awayekî aştiyane û kêmxisar.
John Kerry, bi bîr xist ku banga ji bo li Suriyeyê hikûmeteke derbasdar ava bibe, kiriye. Kerry, destnîşan kir ku bi Lavrov re der barê Edward Snowden de bi awayekî kurt axiviye û fikarên YFEyê jê re vegotine. Snowden eşkere kiribû ku YDEyê bi awayekî veşartî, qeydên telefon û înterneta bi milyonan kesî teqîb kiriye.
Lavrov, bi awayekî kurt pirsên rojnamevanan bersivandin û got civîn "newaze" derbas bû.
