'Di Herekata Mertalê Feratê da 23 terorîst hatin kuştin'

ANKARA

Hêzên Çekdar ên Tirkiyeyê li El Baba bakurê Sûriyeyê di çarçoveya Operasyona Mertalê Feratê de 224 hedefên rêxistina terorê DAEŞê îmhe kirin û 23 terorîst jî kuştin.

Hêzên Çekdar ên Tirkiyeyê (TSK) ragihand ku operasyona di serî de ji bo berterfekirina tehdîda DEAŞa rêxistina terorê, xurtkirina ewlehiya sînoran û ji bo piştevaniya hêzên hevpeymanê li Bakurê Sûriyeyê di 24ê tebaxê de dan destpêkirin, dewam dike.

Di roja 150emîn a operasyonê de xebatên ji bo bidestxistina kontrola El Babê dewam dikin. 205 hedefên DEAŞê ku bi wesayitên tespîtkirina hedefan hatin tespîtkirin, bi hawan û tang îmhe kirin. Di şerê bi roj dewam kir û di encama topên ku hatin avêtin de 23 terorîst hatin berterefkirin.

Bi destê Fermandariya Hêzên Hewayê operasyon birin ser 19 hedefên DEAŞa rêxistina terorê yên li Bzagah û El Baba bajarên Sûriyeyê ne. Di operasyonan da 13 avahiyên rêveberiyê, ciyên kontrolê û wesayîtek hatin îmhekirin.