Türkan Tosun
26 Cotmeh 2020•Rojanekirin: 27 Cotmeh 2020
Balafirên şer ên Ûris li Îdliba bajarê Sûriyeyê kampa perwerdeyê ya mixalifên mutedîl xist, gelek esker hatin kuştin.
Li gor çavkaniyên mixalif ên eskerî li Duveyliya gundê Îdlibê hêzên Şam a Feylakuşê yên girêdayî Artêşa Neteweyî ya Sûriyeyê (ASA) ji esman rastî êrîşê hatin.
Di vê êrîşê da gelek esker hatin kuştin..
Çavkaniyan got balafirên şer ên Ûrisan êrîş kiriye.
- Rewşa li Îdlibê
Tirkiye, Rûsya û Îranê di 4-5ê gulana 2017an da di civîna Astanayê da Îdlib û hin herêmên bajarên derdora wê (wilayetên Lazqiye, Hema û Helebê), bakurê bajarê Humsê, li Xûteya Rojhilat a li Şama paytext û herêmên li başûrê welêt (wilayetên Dera û Quneytrayê) bi tevahî 4 "herêmên kêmkirina rageşiyê" hatibûn îlankirin.
Lêbelê rejimê û terorîstên ku Îran piştgiriyê dide wan, ji 4 herêman xêncî Îdlibê herêmên din bi piştgiriya esmanî ya Rûsyayê bi dest xistibûn û berê xwe dabûn Îdlibê.
Di îlona 2018an da Rûsyayê ji bo xurtkirina agirbestê li Soçiyê mitebeqata pêvek îmze kir.
Rûsya û rejimê di gulana 2019an da operasyon dan destpêkirin ku tevahiyê herêmê zeft bikin û gelek wargehên li Îdliba Herêma Kêmkirina Rageşiyê zeft kirin.
Herî dawîn Tirkiye û Rûsyayê di 5ê adarê da li Moskovayê mitebeqateke teze çêkirin.
Agirbesta ku gelek caran bi destê rejimê tê binpêkirin dewam dike. Di heyama 2017-2020î da kêmzêde 2 milyon sivîl ji ber êrîşên rejim û Rûsyayê koçî herêmên nêzî sînorê Tirkiyeyê kirin.
