Turqia dhe Çekia synojnë bashkëpunimin në nano-teknologji

Një biznesmenë i lartë turk ka deklaruar se Turqia dhe Çekia do të bashkëpunojnë në një sërë fushash në sektorin privat, veçanërisht në nano-teknologji dhe inovacion, raporton Anadolu Agency (AA).

Duke folur në një seminar virtual mbi mundësitë dypalëshe të bashkëpunimit, organizuar nga Bordi i Marrëdhënieve Ekonomike të Jashtme Turke (DEIK), kreu i kësaj organizate, Nail Olpak, theksoi rëndësinë e rritjes së tregtisë dypalëshe.

Duke theksuar se diversiteti i tregut është i rëndësishëm për të dy kombet, Olpak tha se modernizimi i infrastrukturës në Çeki është në axhendë në të cilën "bashkëpunimi i sektorit publiko-privat do të kishte një rol të madh".

"Ne mund të ndajmë përvoja në këtë drejtim", tha Olpak.

Ai tha se koronavirusi i ri (COVID-19) ka krijuar pengesa në të gjithë botën, por se bota e biznesit duhet të përqendrohet në mundësitë që mund të shfaqen.

Pengesat tregtare të tranzitit midis dy vendeve janë si një "mur kështjelle", tha Olpak, duke shtuar se, "Ne presim mbështetje efektive nga ambasadori çek për këtë çështje".

Në vitin 2019, Turqia dhe Çekia arritën 3.7 miliardë dollarë vëllim tregtar dhe këto dy vende synojnë të rrisin shifrën në 5 miliardë dollarë.