Shpërthim në Beyazit të Stambollit

STAMBOLL (AA) - Në lagjen Vezneciler të qarkut Beyazit të Stambollit ka ndodhur një shpërthim, raporton Anadolu Agency (AA).

Sipas informacioneve të marra si pasojë e shpërthimit një numër i madh i ambulancave dhe ekipeve policore janë dërguar në vendngjarje. Të plagosurit me ambulanca janë dërguar në spitalet e afërta.

Shpërthimi shkaktoi dëme në disa lokale dhe automjete në afërsi të incidentit. Policia është duke i zbrazur lokalet e dëmtuara.

Ndërkohë, mësohet se pas shpërthimit janë dëgjuar të shtëna armësh.