Përmbytet anija turke e mallrave në ujërat e Libisë

ANKARA (AA) - Janë gjetur trupat e pajetë të tre anëtarëve të ekuipazhit të anijes turke të mallrave e cila u përmbyt në ujërat e Libisë si pasojë e motit të keq, raporton Anadolu Agency (AA).

Sipas informacioneve të marra nga gazetari i AA-së, janë gjetur trupat e pajetë të tre anëtarëve të ekuipazhit të anijes "M/V TINAZTEPE-S" me flamurin turk, e cila dje ishte përmbytur gjatë ankorimit në portin Misurata për shkak të motit të keq.

Ndërkohë, nga ekuipazhi janë shpëtuar 7 persona dhe ende vazhdojnë punimet për kërkim-shpëtim të 3 personave të tjerë.

Zyrtarët e firmës do të shkojnë në rajon për të zhvilluar procedurat në lidhje me dërgimin e kufomave në Turqi.

Anija, dje ishte përmbytur gjatë ankorimit në portin Misurata. Kryekonsullata e Turqisë në Misurata po ndjek nga afër rastin.