Forcat turke neutralizojnë dy terroristë të PKK-së
Dy terroristë të PKK-së u neutralizuan në operacionet ajrore në rajonin Hakurk në veri të Irakut në koordinim me operacionin “Kthetra”, bëri të ditur Ministria e Mbrojtjes
Ankara
Gjatë një operacioni ajror të forcave ajrore turke në veri të Irakut janë neutralizuar dy terroristë të PKK-së, bëri të ditur Ministria e Mbrojtjes së Turqisë, transmeton Anadolu Agency (AA).
"Dy terroristë të PKK-së u neutralizuan nga operacionet ajrore në rajonin Hakurk në veri të Irakut në koordinim me operacionin 'Kthetra'", bëri të ditur Ministria.
Autoritetet turke shpesh përdorin termin "neutralizojnë" në deklaratat e tyre për të nënkuptuar se terroristët në fjalë ose janë dorëzuar, vrarë ose kapur.
Më 27 maj, Turqia nisi operacionin “Kthetra” kundër PKK-së në Hakurk. Deri më tani, ofensiva në vazhdim ka neutralizuar dhjetëra terroristë.
Terroristët e PKK-së shpesh përdorin veriun e Irakut si një bazë për të planifikuar sulme ndërkufitare terroriste në Turqi.
Në fushatën e saj terroriste mbi 30 vjeçare kundër Turqisë, PKK, e cilësuar si një organizatë terroriste nga Turqia, SHBA dhe BE, ka qenë përgjegjëse për vdekjen e rreth 40 mijë personave, përfshirë gra, fëmijë dhe foshnje.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
