Erdoğan: Paqja e drejtë dhe e qëndrueshme në Ukrainë është e mundur

Një paqe e drejtë dhe e qëndrueshme për luftën në Ukrainë është e mundur, i ka thënë presidenti turk Recep Tayyip Erdoğan Sekretarit të Përgjithshëm të NATO-s Mark Rutte gjatë një telefonate sot, njoftoi Drejtoria e Komunikimeve e Türkiyes, transmeton Anadolu.

Gjatë telefonatës, në të cilën Erdoğan dhe Rutte kanë diskutuar çështjet rajonale dhe globale, Erdoğan ka thënë se Türkiye ka bërë maksimumin për t’i dhënë fund luftës trevjeçare midis Ukrainës dhe Rusisë dhe do të vazhdojë të bëjë pjesën e saj në të ardhmen.

Duke theksuar se ka pasur kontakte me shumë udhëheqës dhe përfaqësues të organizatave ndërkombëtare, duke përfshirë palët ndërluftuese, Erdoğan ka thënë se vendi i tij ka bërë përpjekje për t’i dhënë fund luftërave në rajonin e tij dhe në botë.

Komuniteti ndërkombëtar duhet të kontribuojë në përpjekjet e Ankarasë për të ndalur luftërat dhe për të ndërtuar paqen, ka shtuar ai.