Ankara, arrestohen 6 terroristë të dyshuar të PKK-së

Forcat e sigurisë arrestuan gjashtë persona në kryeqytetin turk, Ankara nën dyshimet për lidhje me grupin terrorist PKK, thanë sot burimet gjyqësore, transmeton Anadolu Agency (AA).

Zyra e Kryeprokurorit Publik në Ankara përmes një deklarate njoftoi se urdhër arresti u lëshua për shtatë persona, të cilët u akuzuan për përfshirje në aktivitete në emër të organizatës terroriste të armatosur dhe përhapjen e propagandës terroriste në mediat sociale.

Ekipet e policisë antiterror deri tani kanë arrestuar gjashtë të dyshuar dhe po punohet për arrestimin e të dyshuarit të mbetur.

Në fushatën e saj terroriste më shumë se 35-vjeçare kundër Turqisë, PKK-e listuar si organizatë terroriste nga Turqia, SHBA-ja dhe BE-ja, ka qenë përgjegjëse për vdekjen e 40 mijë njerëzve, përfshirë shumë gra, fëmijë dhe foshnja.​​​​​​​