Dejan Maksimovic
23 Gusht 2021•Përditësim: 24 Gusht 2021
Sipas mediave britanike dhe franceze, Liverpooli është dakorduar të shesë futbollistin 29-vjeçar zviceran me origjinë shqiptare Xherdan Shaqiri tek Olympique Lyon për 9,5 milionë paund (rreth 11 milionë euro), transmeton Anadolu Agency (AA).
Shaqiri nuk luajti shumë me fanellën e “redsave” sezonin e kaluar. Ai filloi në vetëm pesë ndeshje të Premier Ligës kështu që vendosi të largohet nga Anfield.
Lyon konfirmoi se Shaqiri mbërriti në Francë të dielën dhe se do t’i nënshtrohet ekzaminimeve mjekësore të hënën, pas së cilave ai duhet të nënshkruajë kontratën.
Shaqiri mbërriti në Liverpool në vitin 2018 nga Stoke City. Ai më herët ka luajtur për Basel, Bayern Munich dhe Inter Milan. Ai luajti 63 ndeshje për “redsat” dhe shënoi tetë gola. Në fanellën e kombëtares zvicerane, sulmuesi i shkëlqyer luajti 96 ndeshje duke shënuar 26 gola.
