Tenisti britanik, Murray eliminohet nga US Open

Tenisti britanik, Andy Murray është eliminuar nga US Open 2020 në raundin e dytë të kategorisë për meshkuj të enjten, transmeton Anadolu Agency (AA).

Fituesi i vitit 2012 u mund nga tenisti i 15-të, Felix Auger-Aliassime nga Kanadaja.

Auger-Aliassime, 20 vjeç, dominoi gjatë gjithë ndeshjes me setet 6:2, 6:3 dhe 6:4 për të kaluar në fazën tjetër të US Open.

Ndërkohë, në kategorinë për femra, veteranja amerikane Serena Williams (38) mundi kundërshtaren e saj ruse, Margarita Gasparyan 2:0 në sete 6:2 dhe 6:4 të enjten.

Tenistja e tretë në botë Williams do të luajë kundër bashkëkombases së saj Sloane Stephens në raundin e tretë.

Stephens ishte fituesi i US Open në vitin 2017.