Sport

MotoGP, Marquez shpallet kampion bote

Në xhirot e fundit të garës pati një rivalitet të madh mes Marquez-it dhe pilotit francezit Fabio Quartararo nga Petronas Yamaha

Mutlu Demirtaştan   | 06.10.2019
MotoGP, Marquez shpallet kampion bote

Stamboll

Piloti spanjoll i ekipit Repsol Honda, Marc Marquez është shpallur kampion pasi fitoi garën e 15-të në Grand Prix-in e Tajlandës në Kampionatin Botëror të MotoGP, transmeton Anadolu Agency (AA).

Gara e 15-të e sezonit në MotoGP e cila është një nga organizimet më të rëndësishme të garave me motoçikleta u zhvillua në 26 xhiro në pistën ndërkombëtare Chang prej 4.6 kilometra në rajonin Buriram të Tajlandës.

Në xhirot e fundit të garës pati një rivalitet të madh mes Marquez-it dhe pilotit francezit Fabio Quartararo nga Petronas Yamaha. Marquez arriti të kalojë Quartararo-n në xhiron e fundit të garës që e filloi i treti. Me fitoren e tij në këtë garë me kohën 39.36.223, Marquez u shpall kampion 4 etapa para përfundimit të MotoGP ku ka përjetuar fitoren e vendit të parë për të 9-tën herë në sezon dhe të 53-tën në karrierën e tij.

Në garë, piloti Fabio Quartararo është renditur i dyti me 0.1 sekonda pas Marquez dhe në vendin e tretë me 1.3 sekonda diferencë spanjolli Maverick Vinales nga ekipi Monster Energy Yamaha.

Marquez, i cili në klasifikimin e pilotëve ndodhet 110 pikë përpara ndjekësit më të afërt të tij Andrea Dovizioso, në MotoGP ka arritur për të 6-tën herë fundin e lumtur të fitores pas atyre në vitet 2013, 2014, 2016, 2017 dhe 2018. Marquez gjithsej ka festuar 8 herë titullin kampion në karrierën e tij pasi më parë ka edhe nga një fitore në 125cc dhe Moto2.

Ai ka lënë pas edhe australianin Mick Doohan i cili ka 5 fitore në renditjen e pilotëve që kanë fituar më shumë titullin kampion në MotoGP. Ndërkohë që përpara Marquez ndodhet italiani Giacomo Agostini me 8 kampionate dhe Valentino Rossi me 7.

Gara e 16-të e sezonit Grand Prix në Japoni do të zhvillohet më 20 tetor.

- Klasifikimi i pilotëve

1- Marc Marquez (Spanjë): 325 pikë

2- Andrea Dovizioso (Itali): 215

3- Alex Rins (Spanjë): 167

4- Maverick Vinales (Spanjë): 163

5- Danilo Petrucci (Itali): 162

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın