Marco Verratti transferohet te klubi i Katarit Al-Arabi

Futbollisti italian Marco Verratti është transferuar te skuadra e Katarit Al-Arabi nga Paris Saint-Germaini (PSG) i Francës, transmeton Anadolu.

“Drejtoria e klubit Al-Arabi ka nënshkruar kontratë me yllin italian Marco Verratti, i ardhur nga Paris Saint-Germain, për një periudhë trevjeçare, duke përmbyllur kështu numrin e profesionistëve të ekipit tonë për sezonin sportiv 2023-2024”, thuhet në një deklaratë të klubit.

Verratti ka fituar nëntë tituj të ligës, së bashku me gjashtë kupa të Francës, si lojtar i PSG-së.

Ndërkohë, 30-vjeçari i dha fund një qëndrimi vezullues 11-vjeçar me parisienët.

Në një deklaratë, Paris Saint-Germain lavdëroi Verrattin, duke thënë: “Një lexues i jashtëzakonshëm i lojës, si dhe fitues i shkëlqyer i topit, Verratti gjithashtu ka shkëlqyer me ekipin e tij kombëtar që kur bëri debutimin e tij për ta në 2012”.

Detajet financiare të marrëveshjes, megjithatë, nuk janë zbuluar.