Lille fiton titullin e kampionit në Francë

Klubi francez Lille të dielën si mysafir mposhti Angers SCO me rezultat 2-1, dhe në këtë mënyrë fitoi titullin francez Ligue 1 për herë të katërt, raporton Anadolu Agency (AA).

Lille që në fillim të ndeshjes shënoi kur sulmuesi Jonathan David nga një distancë e afërt e solli në epërsi ekipin e tij në stadiumin Raymond Kopa në Angers, Francë.

Burak Yilmaz me sukses shndërroi një goditje dënimi në minutën e 45-të për të dyfishuar epërsinë në 2-0.

Angers ngushtoi diferencën me një gol nga Angelo Fulgini në kohën e ndaljes para se ndeshja të përfundonte 2-1.

Me fitoren vendimtare, Lille u kurorëzua kampion i ligës franceze për herë të parë që nga viti 2011, duke i dhënë fund garimit të Paris Saint-Germain me tre tituj radhazi.

Ndërkohë, 35-vjeçari Yilmaz luajti rol kryesor në fitimin e titullit të kampionatit pasi sulmuesi turk shënoi 16 gola në 28 ndeshje.

Duke grumbulluar 83 pikë, Lille përfundoi sezonin 2020-21 të Ligue 1 me një pikë përpara vendit të dytë, Paris Saint-Germain.