Kampionati Botëror 2018, Serbisë i mjafton një gol për 3 pikë

SAMARA (AA) - Serbia ka shënuar fitore ndaj Kosta Rikës në ndeshjen e grupit E, në kuadër të Kampionatit Botëror "Rusi 2018" e cila u zhvillua në qytetin Samara të Rusisë, raporton Anadolu Agency (AA).

Pjesa e parë e ndeshjes përfundoi me rezultatin 0-0, pasi të dyja kombëtaret zhvillonin një ndeshje mesatare.

Goli i parë dhe i vetëm i ndeshjes u realizua në minutën e 56-të. Kapiteni i kombëtares së Serbisë, Aleksandar Kolarov shënoi gol nga një goditje dënimi.

Me këtë skuadra e Serbisë në ndeshjen e parë fitoi 3 pikë.

Në ndeshjen tjetër të grupit E sonte do të përballen Brazili dhe Zvicra.