Hidhet shorti për kualifikimet e "EURO 2024"

Në Frankfurt të Gjermanisë sot është hedhur shorti për kualifikimet e Kampionatit Evropian "EURO 2024", transmeton Anadolu Agency (AA).

Shorti i grupeve për kualifikimet e "EURO 2024" u zhvillua në qendrën e panairit Festhalle në Frankfurt.

- Në kampionat do të marrin pjesë ekipet që përfundojnë grupet e tyre në dy vendet e para

Në kualifikimet ku do të marrin pjesë 53 vende, ndodhen 10 grupe, ku 7 prej tyre janë me 5 ekipe dhe 3 prej tyre me 6 ekipe. Pas ndeshjeve ekipet e vendit të parë në grup dhe në vendin e dytë do të marrin pjesë në finale.

Ndërsa 3 ekipet e tjera që do marrin pjesë në finale do të përcaktohen pas ndeshjeve të "play-off"-it në Ligën e Kombeve të UEFA-s që do të mbahet në mars 2024.

Ndërkohë Gjermania nuk është përfshirë në short pasi do të marrë pjesë në finale në mënyrë të drejtpërdrejtë si vend pritës.

Rusia nuk ka mundur të marrë pjesë në kualifikime për shkak të luftës që vazhdon mes Rusisë dhe Ukrainës.

- Ndeshjet e para në muajin mars

Ndeshjet kualifikuese do të fillojnë më 23-25 mars 2023 dhe do të përfundojnë me ndeshjet në javët e fundit më 19-21 nëntor 2023. Ndërsa finalet do të zhvillohen në datat 14 qershor - 14 korrik 2024.

Ndeshja hapëse e kampionatit që do mbahet në 10 qytete të Gjermanisë, do të luhet në "Allianz Arena" të Mynihut ndërsa ndeshja finale në stadiumin Olimpik në Berlin.

"EURO 2024" do të zhvillohet në qytetet Berlin, Këln, Mynih, Frankfurt, Hamburg, Dortmund, Lajpcig, Gelsenkirhen, Shtutgart dhe Dyseldorf të Gjermanisë.

- Grupet

Grupi A: Spanjë, Skoci, Norvegji, Gjeorgji, Qiproja Greke

Grupi B: Holandë, Francë, Republika e Irlandës, Greqi, Gjibraltar

Grupi C: Itali, Angli, Ukrainë, Maqedoni e Veriut, Maltë

Grupi D: Kroaci, Uells, Armeni, Türkiye, Letoni

Grupi E: Poloni, Çeki, Shqipëri, Ishujt Faroe, Moldavi

Grupi F: Belgjikë, Austri, Suedi, Azerbajxhan, Estoni

Grupi G: Hungari, Serbi, Mali i Zi, Bullgari, Lituani

Grupi H: Danimarkë, Finlandë, Slloveni, Kazakistan, Irlanda e Veriut, San Marino

Grupi I: Zvicër, Izrael, Rumani, Kosovë, Bjellorusi, Andorrë

Grupi J: Portugali, Bosnjë e Hercegovinë, Islandë, Luksemburg, Sllovaki, Lihteshtajn