Boksieri shqiptar Florian Marku mposht meksikanin Ramirez

Boksieri shqiptar Florian Marku ka mposhtur boksierin meksikan Miguel Parra Ramirez në përballjen në Tiranë, duke fituar edhe titullin në kategorinë WBC në peshën e mesme të lehtë (walterweight), transmeton Anadolu Agency(AA).

Marku triumfoi në ndeshjen e zhvilluar në Stadiumin "Air Albania" në kryeqytetin e Shqipërisë, ku u mbështet dhe nga tifozët shqiptarë.

Marku mposhti boksierin meksikan pas 10 raundesh të zhvilluara.

Për fitoren e Markut kanë përcjellë mesazhe urimi zyrtarë dhe politikanë të Shqipërisë, mes tyre edhe kryeministri Edi Rama. "Mbreti shqiptar", ka shkruar Rama në rrjetet sociale, duke publikuar edhe foton e boksierit Marku.

Në aktivitetin sportiv u zhvilluan edhe ndeshje të tjera me pjesëmarrjen e boksierëve shqiptarë dhe të vendeve të tjera.