Një atlet olimpik i Ugandës në Japoni është zhdukur, një javë para fillimit të Lojërave Olimpike 2020 në Tokio, raportoi sot media lokale, transmeton Anadolu Agency (AA).

Agjencia japoneze e lajmeve Kyodo njoftoi se zyrtarët po kërkojnë një "anëtar mashkull 20-vjeçar nga delegacioni i Ugandës".

U raportua se ai ishte në Izumisano, prefektura e Osaka-s, për një kamp stërvitjeje paraolimpik.

Emri i atletit nuk u zbulua.

Eventi me shumë sporte në Japoni do të zhvillohet nga 23 korriku deri në 8 gusht pasi u shty për një vit për shkak të pandemisë së koronavirusit.​​​​​​​