Në Los Angeles mbyllet Java e modës Metropolitan

LOS ANGELES (AA) – Në Los Angeles të Shteteve të Bashkuara të Amerikës (SHBA) të shtunën u mbajt mbrëmja Gala dhe ndarja e çmimeve në kuadër të Javës së modës Metropolitan, raporton Anadolu Agency (AA).

Kostume të pazakonta, disenjatorë të shquar, emra të njohur të industrisë së modës dhe organizimi i shkëlqyer ishin disa nga arsyet që qytetarët kërkonin bileta për të qenë pjesëmarrës në njërin nga evenimentet më të rëndësishme të vitit, kur bëhet fjalë për modën.

Gara përbëhej nga tetë kategori, ndërkohë që vizitorët patën mundësinë të shohin krijimet e pazakonta të disenjatorëve Pavlina Popposka, Ricard Solter, Nautice Lisbey, Ericka Bendane, etj. Vëmendjen më të madhe e tërhoqi kostumi "Frida".

Në mesin e të pranishmëve mund të vëreheshin emrat më të shquar nga bota e modës dhe filmit, ndër të cilët Monte Haught dhe Lou A. Eyrich, mjeshtrit e grimit Silvina Knight dhe Kim Ayers, si dhe aktorja Alicia Machado.

Java e Modës filloi më 22 shtator, ndërsa u mbajt në Los Angeles, Las Vegas dhe Seattle.