Presidenti turk dhe ai moldav diskutojnë bashkëpunimin mbi COVID-19

Në një bisedë telefonike, presidenti turk, Recep Tayyip Erdoğan dhe homologu i tij moldav, Igor Dodon, kanë diskutuar bashkëpunimin në luftën kundër koronavirusit të ri (COVID-19), transmeton Anadolu Agency (AA).

Siç njofton Drejtoria e Komunikimeve e Turqisë, Erdoğan dhe Dodon po ashtu diskutuan marrëdhëniet dypalëshe, si dhe çështjet rajonale.

Që nga e diela, Turqia ka raportuar mbi 27 mijë raste të koronavirusit, ndërsa numri i të vdekurve ka shkuar në 574. Moldavia po ashtu ka raportuar 864 raste të konfirmuara dhe 17 vdekje.

Pasi për herë të parë u shfaq dhjetorin e kaluar në Wuhan të Kinës, COVID-19 është përhapur në mbarë globin, ndërsa bazuar në të dhënat e Universitetit John Hokins me bazë në SHBA, deri më tani ky virus në të gjithë botën ka vrarë mbi 70 mijë persona.