Ishujt Solomon regjistrojnë vdekjet e para nga COVID-19

Në Ishujt Solomon të Oqeanisë u regjistruan vdekjet e para nga koronavirusi i ri COVID-19, transmeton Anadolu Agency (AA).

Sipas lajmeve të Radio Zelandës së Re (RNZ), zyrtarët shëndetësorë në Ishujt Solomon thanë se dy persona vdiqën në vend për shkak të COVID-19.

Ministri i Shëndetësisë, Culwick Togamana, njoftoi se numri i rasteve me COVID-19 në vend ka arritur në 650.

Togamana theksoi se zyrtarët shëndetësorë presin më shumë raste në ditët në vijim, pasi ndërveprimi ballë për ballë tani është i zakonshëm në kryeqytet dhe në disa shtete.

Mësohet se pacientët që vdiqën në spitalin kombëtar mbrëmë ishin një grua 51-vjeçare dhe një burrë 59-vjeçar, të cilët kishin diabet dhe tension të lartë përpara se të prekeshin nga virusi.

Në kryeqytetin Honiara do të zbatohet një orë policore katërditore, duke filluar sot nga ora 18:00 me kohën lokale.