Gjendet i vdekur kuzhinieri më i mirë në botë, Benoit Violier

PARIS (AA) - Njëri nga kuzhinierët më të njohur në botë, Benoit Violier, është gjetur i vdekur në shtëpinë e tij në qytetin zviceran Lausanne, raporton Anadolu Agency (AA).

Policia ka nisur hetimet për shkaqet e vdekjes, ndërsa sipas informacioneve jozyrtare, 44 vjeçari Violier ka bërë vetëvrasje duke qëlluar veten me armë zjarri.

Benoit Violier është pronar i restorantit zviceran me tre yje të Michelin-it Hotel de Ville në afërsi të Lausanne.

Ai është fitues i mirënjohjeve më prestigjioze dhe disa herë fitues i çmimit të kuzhinierit më të mirë në botë, ku restoranti i tij vitin e kaluar u shpall si më i miri në botë.