Vlera e Bitcoin-it shkon në mbi 50 mijë dollarë

Pas një jave në të cilën Bitcoin u ngjit në lartësi të reja, vlera e kësaj kriptovalute mëngjesin e sotëm tejkaloi kufirin prej 50 mijë dollarëve, transmeton Anadolu Agency (AA).

Bitcoin shënoi rritje, ndërsa gjithnjë e më shumë kompani aludojnë se monedha digjitale e paqëndrueshme përfundimisht mund të pranohet gjerësisht si një mjet për pagesën e mallrave dhe shërbimeve. Bitcoin përgjithësisht perceptohet si një stok me vlerë, si ari, me shumë pak hapësirë ​​për t'u shpenzuar.

Të hënën e kaluar, kompania e automjeteve elektrike "Tesla" njoftoi blerjen e 1.5 miliard dollarëve në Bitcoin si pjesë e një strategjie të re investimi dhe se së shpejti do ta pranonte atë si një formë pagese për makinat e saj.

Mbetet e paqartë se sa kompani të mëdha do të ndjekin shembullin e Tesla-s. Analistët parashikojnë një zhvillim të ngadaltë drejt përdorimit të gjerë të Bitcoin-it për të paguar mallra dhe shërbime.