Nissan planifikon mbylljen e fabrikës në Barcelonë
Mbyllja e fabrikës pritet të rezultojë me humbjen direkte të rreth 3.000 vendeve të punë
Madrid
Ministria e Industrisë e Spanjës përmes një deklaratë të enjten tha se i “vjen keq për vendimin e kompanisë” pavarësisht propozimeve për të mbajtur në punë fabrikën dhe u kërkon drejtuesve të prodhuesit të makinave të marrin në konsideratë alternativat.
Sindikatat e punëtorëve kishin paralajmëruar se 20.000 vende të tjera pune në zinxhirin e furnizimit lokal të Nissan gjithashtu do të kërcënoheshin nëse kompania do të mbyllte fabrikën e saj të prodhimit të makinave në Barcelonë dhe dy fabrikat më të vogla në qytetet e afërta.
Nissan me bazë në Yokohama duhet të raportojë të enjten rezultatet vjetore, të cilat pritet të jenë si humbja e parë vjetore në 11 vjet.
Kompania po kalon një ristrukturim të thellë, duke u përqendruar në Kinë, Amerikën e Veriut dhe Japoni dhe duke ia lënë tregun evropian, rus, Amerikën e Jugut dhe Afrikën e Veriut partnerit të saj Renault dhe Azinë Juglindore dhe Oqeaninë Mitsubishi-t.