Zgjedhjet në Gjermani, voton kandidati për kancelar Schulz

BERLIN (AA) – Në zgjedhjet e përgjithshme në Gjermani, në qytetin e tij të lindjes në Würselen të landit Rhine-Westphalia veriore votoi kandidati për kancelar dhe kryetari i përgjithshëm i Partisë Social Demokrate Martin Schulz, raporton Anadolu Agency (AA).

Schulz në komunën Würselen erdhi me bashkëshorten e tij, Inge Schulz. Pasi hedhi votën, Schulz në një deklaratë për mediat tha se shpreson që sot një numër i madh i qytetarëve do të dalin për të votuar.

“Kam shpresën që sot sa më shumë qytetarë që të jetë e mundur ta përdorin të drejtën e zgjedhjes dhe t’i japin votat e tyre për partitë demokratike, duke e forcuar të ardhmen demokratike të Gjermanisë”, thotë Schulz.

Ai tha se një numër i madh i votuesve janë të pavendosur. “Besoj se ka votues të cilët mendojnë se kujt do t’ia japin votën edhe në ditën e votimit”, tha Schulz.

Kandidati për kancelar të Gjermanisë u shpreh se partia e tij do të marrë rezultate të mira nga zgjedhjet.

Ndërkaq, kancelarja gjermane dhe kryetarja e përgjithshme e Unionit Kristian-Demokrat (CDU) Angela Merkel do të votojë në orët e pasdites në Berlin.